[A:181]bzang po pa yang / chu pho sprel lo de kha la sku 'khrungs te/ tho gan thi mur rgyal pos ta dben gu shri'i mtshan dang / shel dam lung bzang po dang / bcas pa gnang / sku mched 'di gnyis kyis lha khang bla brang du bzhugs so/ /bla ma mkhas btsun chen po'i ma cig dbon mo dge 'dun 'bum la/ sras slob dpon chen po kun dga' rin chen pa/ sa mo yos lo la 'khrungs te/ tho gan thi mur rgyal po'i tho ling shin tu hu ta dben gu shri'i mtshan dang / shel dam gnang / bzhi thog bla brang gi gdan sa mdzad/ dgung lo drug cu re gcig pa sa mo yos lor gtsang chu mig ring mor bde bar gshegs so/ /kun dga' legs pa'i jo mo/ gung thang khab pa'i lha gcig kun skyong rgyal mo la/ slob dpon ma bsod nams 'bum 'khrungs shing / ti shri grags pa'i 'od zer gyi lcam mo/ /ma cig dge 'dun 'bum la sras che ba bla ma chen po bsod nams blo gros rgyal mtshan dpal bzang po pa/ yab dgung lo nyer lnga pa chu pho spre'u'i lo la 'khrungs te/ dgung lo nyi shu rtsa gsum bzhes dus/ khong rang gi dpon skya slob dpon rin bzang gis do dam byas rdzong gi rtsa ba dag blon chen kun dga' bzang po'i tsha bo/ dpon don grub rgyal mtshan bya ba la sa cha nyos nas/ stag tshang rdzong gi 'gram shing pho rta lo zla ba gsum pa'i tshes lnga nas bting / rdzong bla ma chen po sku mched pa la phul ba yin/ dgung lo sum cu pa glang lo la tho gan thi mur rgyal pos gser yig pa dharma kirti dben shri dang / i bu dben shri sngon rting du mngags/ ti shri mtshan bod nas gsel/ gcung po la dbang gi las ka gnang / gong du gdan drangs/ rgyal po'i bla ma ma mdzad/ dgung lo so gcig pa chu pho stag lo zla ba bcu pa la me tog ra