[A:182]bar bde bar gshegs so/ /bar pa gcig gzhon nu la sku gshegs/ gcung chung ba slob dpon chen po grags pa rgyal mtshan dpal bzang po pa/ me pho byi lo la yab gshegs nas/ zla ba drug song pa dang 'khrungs/ tho gan thi mur rgyal pos/ pa'e lan dbang gi mtshan dang / khrims ra nyi ma nub phyogs la shes su chugs gsungs pa'i lung bzang po dang bcas pa gnang / dgung lo zhe gcig pa me pho 'brug lo'i zla ba dang po'i nyer gnyis la ngo mtshar ba'i ltas du ma dang bcas te stag tshang rdzong gi gzims khang rnying par zhi bar gshegs so/ /'di pa sku mched kyis dus mchod bla brang 'dzin skyong mdzad do/ /'jam dbyangs don yod rgyal mtshan pas bsnyen rdzogs ma mdzad gong du/ ma gcig zha lu ma la sras bla chen kun dga' rgyal mtshan dpal 'khrungs zhing / 'di pa'ang yab sras khu dbon pas rin chen sgang bla brang 'dzin skyong mdzad de/ phyis chos rje bla ma dam pas bla brang dus mchod pa la sbyar ro/ /yang bla ma sku mched de rnams kyi sras rgyud ji ltar 'khrungs na/ lha khang pa chos kyi rgyal mtshan pa bsnyen rdzogs ma mdzad gong du/ ta dben byang pa'i jo mo'i sras che ba/ chos rje kun dga' bkra shis rgyal mtshan dpal bzang po pa/ sa mo glang lo la 'khrungs te/ mkhas btsun bzang gsum gyi yon tan phun sum tshogs pa mnga' zhing / dgung lo nga bzhi pa chu pho 'brug lo la rgya nag ye dbang rgyal pos mngags pa'i gser yig ser yig pa/ ta'i ta bzhin dang / a nu dri hor pa rnams kyis gdan drangs nas/ rnam thos pho brang dang / rgya nag gi ri bo rtse lngar byon/ rgyal po'i ti shri mdzad/ shel gyi dam kha dang / lung bzang po gnang / ci gyo ta'i ching ha wa pa si than/ shang shen/