[A:183]ki kang ti/ kong sha kong mi'ing / ba wo/ bod skad du 'phrin las sna tshogs rgyas pa/ dam chos mchog tu rgyas pa/ yang dag pa'i ye shes/ snying rje rgya chen kun la rgyas par phan pa/ zhing bsrungs shing bstan pa bshad pa/ yang dag par rig pa theg chen chos kyi rgyal po/ nub kyi phyogs dge ba/ rdo rje kun khyab 'od zer chen po'i sangs rgyas zhes pa'i mtshan yang de rnams gsal lo/ /lha khang chen mo lag tu len pa la sogs/ gdan sa'i phyag phyir 'gyur ba'i thugs khur chen po bsnams/ sa skya pa'i bstan pa'i me ro bslangs pa lta bur gyur pas na sku drin shin du che zhing / rgya nag tu lo ngo gsum bzhugs/ shing pho rta lo la bod du phebs nas/ bstan pa dang 'gro ba'i don rgya chen po mdzad de/ dgung lo don bdun pa shing mo sbrul lo zla ba bdun pa'i tshes bcu la lha khang chen mo'i yang rtser bde bar gshegs so/ /de'i gcung po bla ma chen po bsod nams bkra shis rgyal mtshan dpal bzang po/ sbas pa'i rnal 'byor de nyid kyis kyang bstan pa dang 'gro ba'i don rgya chen po yun ring du mdzad de/ sa pho byi ba lo la dpal ldan lha rtse rdzong gi gzims khang du bde bar gshegs so/ /lcam mo gcig kyang 'khrungs so/ /yang dpon chen dbang phyug dpal gyi jo mo dpal mo skyid dpal la/ drung chos rgyal ba'i sras/ bla ma rdo rje rin chen pa dang / bla ma dharma dpa'o/ /bzhi thog kun rin pa'i jo mo gnyis thog dbon mo la sras gcig 'khrungs pa/ gzhon nu la sku gshegs/ mnyam med dbon mo la/ sras che ba blo gros rgyal mtshan dpal la| rgya tA ming rgyal pos ta'i gu shri gnang / gdan sa mdzad/ gcung grags pa blo gros pa gtsang chu mig ring mo na bzhugs so/ /yang dbang grags pa rgyal