[A:15]bcom ldan 'das kyi rnam thar las 'phags pa'i mdzad pa bcu gnyis bstan tshul/ dang por rgyal po don grub mi mjed 'jig rten gyi khams 'dir byon pa ste/ nyan thos pa na re/ skye ba dpag tu med pa'i sngon nas tshogs gnyis bsags pa'i skyes bu rang rgyud pa gcig rgyal po zas gtsang gi sras su 'khrungs pa yin zer/ byang sems pa rnams ni/ 'di so so skye bo yang ma yin/ yang dag par rdzogs pa'i sangs rgyas kyang ma yin zer/ gsang sngags pa rnams ni sngon bskal ba me long gi 'byung gnas zhes bya ba la/ lam lnga/ sa bcu bgrod nas sangs rgyas tshar ba de'i sprul pa yin zer/ gang ltar yang dang po byang chub mchog tu thugs bskyed/ bskal ba grangs med gsum du tshogs bsags/ sgrib pa sbyangs pa'i mthar mngon par rdzogs par sangs rgyas par thams cad mthun pas/ de yang thugs bskyed lugs mdo sde snying rje pad dkar las/ 'di dang po bram ze rgya mtsho'i rdul du gyur tshe thugs bskyed ces pa dang / bskal bzang las/ sman par gyur tshe thugs bskyed/ drin lan gsab par dmyal ba'i lcags bsregs kyi thang la/ shing rta 'dren pa'i gyad du 'khrungs tshe thugs bskyed/ phung po gsum par tshong dpon gyi bu sngon dgar gyur tshe'am/ yang na rdza mkhan gyi khye'u snang byed du gyur tshe/ sangs rgyas thub pa chen po'i drung du 'khar ba'i bum pa