[A:16]gcig dang / dkar sha pa ni rdog po lnga/ mchil lham zung gcig /gdugs gcig rnams phul nas/ bde bar gshegs pa khyed sku ci 'dra dang / /'khor dang sku tshe'i tshad dang zhing khams dang / khyed kyi mtshan mchog bzang po ci 'dra ba/ /de 'dra kho nar bdag sogs 'gyur bar shog /ces pa'i smon lam btab nas thugs bskyed par bshad do/ /de rting bskal ba grangs med gsum du tshogs bsags par/ sangs rgyas rin chen gtsug tor can yan gyis grangs med dang po rdzogs/ sangs rgyas mar me mdzad yan gyis grangs med gnyis pa rdzogs/ rnam gzigs yan gyi grangs med gsum pa rdzogs par bshad de/ rnam gzigs mar me rin chen gtsug /grangs med gsum gyi tha mar byung / /dang po shAkya thub pa'o/ /zhes pa ltar 'dod do/ /
grangs med kyi ngos 'dzin nyan thos pa'i lugs la mdzad nas dang po rdzogs pa lung las/ sangs rgyas shAkya thub pa nas/ /'dren pa yul 'khor skyong gi bar/ /bdun khri lnga stong tshang ba yis/ /sangs rgyas rnams ni ngas mchod do/ /zhes so/ /gnyis pa rdzogs pa lung las/ sangs rgyas legs mdzad nas bzung te/ /dbang po rgyal mtshan thug gi bar/ /bdun khri drug stong tshang ba yis/ /sangs rgyas rnams ni ngas mchod do/ /zhesaso/ /gsum pa rdzogs pa lung las/ sangs rgyas mar me mdzad nas ni/ /sangs rgyas 'od srung bar dag tu/ /bdun khri bdun stong tshang ba yi/ /sangs rgyas rnams ni ngas mchod do/ /zhes so/ /theg pa chen po'i lugs la/ gong ltar khyi'u snang byed kyi thugs bskyed pa nas bzung ste/ sa dang po ma thob kyi bar la bskal ba grangs med dang po/ de'i dus so so skye bo'i lus grangs med blangs rting tshogs kyi lam du zhugs nas/ dge ba spel ba dang / sbyor lam las 'bras la nges shes skyes te/ de'i bar la sangs rgyas bdun khri lnga stong la bsnyen bkur byas pa'i tha ma la/ sangs rgyas rin chen gtsug tor can yin