[A:17]no/ de ltar sa dang po rab tu dga' ba thob nas/ mthong lam chos nyid bden pa rdzogs te/ sa gnyis pa dri ma med pa nas/ sgom lam la zhugs/ sa gsum pa 'od byed pa/ bzhi pa 'od 'phro ba/ lnga pa spyangs dka' ba/ drug pa mngon du gyur pa/ bdun pa ring du song ba'i sa thob pa man la/ grangs med gnyis pa'o/ /de'i bar la sangs rgyas bdun khri drug stong la bsnyen bkur byas pa'i tha ma la/ sangs rgyas mar me mdzad yin no/ /de'i rting la sa brgyad pa mi g.yo ba/ dgu pa legs pa'i blo gros/ bcu pa chos kyi sprin thob pa'i dus su/ byang chub sems dpa' dam pa tog dkar por gyur cing / de man gyi grangs med gsum du tshogs bsags nas/ de'i ring la sangs rgyas bdun khri bdun stong la bsnyen bkur byas pa'i tha ma la/ sangs rgyas rnam gzigs yin no/ /de ltar bskal pa grangs med gsum du tshogs bsags nas/ sa bcu non cing / sa gnyis pa nas bcu'i bar la/ sgom lam la sgom pa 'phel ste/ sa bcu gcig pa kun tu 'od dang / bcu gnyis pa ma chags padma can dang / bcu gsum pa rdo rje 'dzin pa'i sa sangs rgyas kyi go 'phangs brnyes pa'i tshul 'og nas bshad pa ltar ro/ /
thub pa'i mdzad pa bcu gnyis dngos la/ 'jig rten pa'i mdzad pa lnga la lhum su zhugs pa/ sku bltams pa/ gzhon nu rol rtsed mdzad pa/ btsun mo khab tu bzhes pa/ rgyal srid bzung ba rnams so/ /'jig rten las 'das pa'i mdzad pa lnga ni/ rab tu byung ba/ dka' ba spyad pa/ chos 'khor skor ba/ cho 'phrul bstan pa/ bdud btul cing sangs rgyas pa rnams so/ khyad par can gyi mdzad pa gnyis ni/ rtag tu re ba rnams sun 'byin pa'i phyir/ mya ngan 'das pa'i tshul bstan pa dang / phyi rabs spro ba skyed pa'i phyir/ sku gdung ring bsrel cha brgyad du bgos pa dang / byin rlabs 'byung ba'i mdzad pa'o/ /de ltar mdzad pa bcu gnyis kyi dang po/ dam pa tog dkar por gyur ste/ dga' ldan du bzhugs