[A:18]pa'i dus su/ mi mjed 'jig rten gyi khams su snyigs ma lnga bdo bar ni/
sems can tshe dang / nyon mongs dang / lta ba dang / dus kyi snyigs ma rnams la
dgongs nas/ dus kyi snyigs ma ni pha dang bur 'thab pa/ tshe'i snyigs ma ni tshe lo brgya pa/ nyon mongs pa'i snyigs ma dug lnga rags pa / las kyi snyigs ma dge ba chung du spyod pa/ lta ba'i snyigs ma log par spyod pa'o/ /
gdul bya dus la babs par shes nas/ rtsod ldan gyi dus/ 'jam bu gling pa'i mi rnams tshe lo brgya pa'i skabs su/ dga' ldan du rgyal tshab byams pa la dbang bskur nas/ 'dzam bu gling du gzigs pa lnga'i sgo nas/'byon par chas pa ni/ gnas dang rigs rgyud yab yum dus dang lnga la gzigs nas/ yul ni ser skya la sogs pa grong khyer drug la gzigs/ rigs rgyal rigs la gzigs/ yab zas gtsang ma la gzigs/ yum sgyu ma lha mdzes la gzigs/ dus yum gso sbyong mdzad pa'i dus la gzigs/ nga ni 'dzam bu gling du chos ston pa la 'gro'o gsungs pas/ lha thams cad ma dga' ste/ thabs sna tshogs pa'i gshol btabs kyang ma thebs pa dang / lha'i bu gzi brjid dam pas de ltar na/ glang po che'i gzugs su sprul nas byon na/ don che'o zer ba ltar/
glang chen thal dkar mche ba drug ldan gcig tu sprul nas byon/ grong khyer ser skya'i pho brang na/ rgyal po zas gtsang ma yab yur rgyal srid skyong gin bzhugs pa'i tshes bco lnga'i zla ba nya gang ba la/ yur lha mo sgyu 'phrul ma gso sbyong la gnas pa'i spyi bo nas glang chen thims par rmis te/ lhums su zhugs nas yum la dga' bde'i ting nge 'dzin mang po thugs la 'khrungs par gyur to/ /de'ang jo bo rjes bzhed pa'i/ sangs rgyas shing pho byi ba'i dbyar 'bring po'i nya la lhums su zhugs/ glang lo dpyid tha chung gi tshes brgyad la sku bltams/ sa mo phag la sangs rgyas/ shing pho spre'u lo mya ngan 'das par bshad cing / chos rje sa skya paNDi ta ni me mo yos la lhums su zhugs par bzhed cing /
sa pho 'brug la sku bltams/ spyir zla tha chung skar ma sa ga'i nya ba'i tshes