[A:19]bco lnga'i yang gcig na dbo zla ba'i tshes bcu bzhi'i nyin zer rgyal phur 'dzoms dus
chu pho stag la sangs rgyas/ me mo smin drug zla ba'i tshes brgyad kyi zla ba ri mgo la yol ba dang mya ngan las 'das
phag la mya ngan las 'das par bzhed/ dpyid tha'i tshes brgyad skar ma rgyal la bltams par mthun no
so/ /rgyal bu lhums su zhugs pa'i mdzad pa de dang po'o/ /de ltar lhums su zla ba dgu ngo bcu bzhugs nas/ lum bi ni'i tshal du yum gyi phyag g.yas pas shing nya gro ta'i yal ga la 'jus pa'i 'og rtsib ma'i bar nas sku bltams/ lhas me tog gtor/ brgya byin dang tshangs pas bstan/ lha klu thams cad kyi mchod pa phul/ dga' bo dang nyer dga' bo la sogs pas sku khrus gsol/ sku las 'od zer 'phros bltams 'phral la phyogs bzhir gom pa bdun bdun bor bas/ zhabs rjes la padma re re byung cing / dge mtshan che ba'i tshigs su bcad pa re re gsung dus yab kyis/ gang tshe rkang gnyis gtso bo khyod bltams tshe/ /sa chen sogs bstod pa ni thub pa'i bstod pa'i thog ma'o/ /ston pa dang dus mnyam du yul dbus su rgyal po tshangs byin dang / padma chen po dang / dmag rgyal/ rtsib gyi mu khyud mtha' yas dang bzhi po la/ bu bzhi btsas pa ni/ gsal rgyal/ gzugs can snying po/ shar pa/ gtum po rab snang rnams yin no/ /byang sems sku bltams nas zhag bdun nas yum 'das te/ sum cu rtsa gsum du skyes/ sru mo skye dgu'i bdag mos 'go byas/ ma ma brgyad la gtad nas 'phel skyed shin du che'o/ /rgyal bu bltams pa'i mdzad pa ste gnyis pa'o/ /gsum pa ni de'i dus ri bo gru 'dzin na/ drang srong nyon mongs med ces pa/ 'jig rten chags 'jig la mkhas pa gcig yod pa des/ 'od zer gyi snang ba