[A:20]de mthong nas/ sangs rgyas sku bltams par shes shing / gzhan yang mtshan ltas mkhan rnams na re/ 'di ni rgyal srid bskyangs na 'khor los sgyur ba'i rgyal por 'gyur zhing / rab tu byung na 'jig rten gsum gyi mgon du nges par 'gyur ro/ / zhes sogs mtshan ltas shin du bzang bar bcad te/ /mtshan yang rgyal po don grub tu gsol lo/ /yang drang srong na re/ da lta rtsod ldan tshe lo brgya pa'i dus/ 'khor los sgyur ba'i rgyal po mi 'byung bas/ 'di ni da ste lo sum cu rtsa lnga nas mngon par rdzogs par 'tshang rgya ba la the tshom mi za zhing / bdag ni rgas pas 'di'i chos mi thob par 'chi'o/ /zhes zer nas mya ngan byed la/ tsha bo mes sbyin la rgyal po 'di sangs rgyas dus khyed rab tu byung zhig zer ba ltar byas pas/ mes byin dgra bcom pa thob pa'i mtshan ni 'phags pa ka ta ya na'o/ /shAkya'i rigs rnams kyi lha gnod sbyin shAkya 'phel gyi drung du rgyal bu byon pas/ lha'i lhas phyag byas byung bas/ becom ldan lha'i lha'o zhes pa dang / de'i lam na shAkya'i rigs gdug pa can thams cad la 'tshe ba gcig yod pa des kyang btud pas shAkya thub pa zhes grags so/ /de nas gzhon nu nyid nas yig dpon srin po'i go bya las 'bri klog dang / shAkya'i srid sgrub las rtsis dang / blon po lhar bcas las 'phongs dang / byang sems bzang po len las glang po che'i gnya' bar bzhon pa sogs/ rgyal po'i bya ba rnams slob par brtsam pa tsam gyis mkhyen te/ lhas byin la sogs rgyal phran rnams dang / angga mangga dhar sgyu rtsal 'gran dus/ zhabs kyi mthe bong gi glang po che'i ro dpag tshad gcig gi bar la skyur bas/ sa gshong nge song ba ser skya grong khyer gyi phyi rol na glang po gshong bya