[A:21]ba yod do/ /mda'i rtsal 'gran pas/ shing rta la bdun lcags kyi phag pa bdun dang bcas pa phug nas/ mda' zug pa'i rjes na mda' chu khron pa skyes zer ba/ yan lag brgyad ldan gyi chu yod do/ /gzhan yang rkyal dang shing sdong gcod pa la sogs pa rtsal sna gang la yang sus kyang 'gran par mi nus pas gzhon nu rol rtsed kyi mdzad pa ste gsum pa'o/ /bzhi pa de nas rgyal po'i dgung lo bcu bdun bzhes pa'i dus su/ shAkya lag na be con gyi bu mo grags 'dzin ma dang / dgung lo nyi shu rtsa gnyis pa'i dus/ shAkya du legs kyi bu mo sa mtsho ma dang / nyi shu rtsa dgu bzhes dus shAkya dril bu sgra'i bu mo/ shAkya bza' ri dwags skyes ma rnams 'khor nyi khri nyi khri dang bcas pa khab tu blangs pa ni/ btsun mo khab tu bzhes pa'i mdzad pa ste bzhi pa'o/ /lnga pa de ltar lo nyi shu rtsa dgu'i bar la ni/ rgyal srid tshul dang mthun pa bskyangs shing / yab kyis rgyal bu chos las yengs nas/ 'jig rten gyi bya ba la blo 'brid pa'i phyir/ zhing pa'i mtha' rtogs su bcug pa'i che/ ngo mtshar ba'i ltas mthong nas/ gang tshe thub chen zhing pa'i gong bzhud tshe/ /zhes pa'i sras la bstod pa mdzad do/ /der rting rgyal po chibs pa ngang pa gser ldan la chibs/ 'dun pas sna khrid de grong khyer gyi shar lho nub rnams su/ nyin re byon pas na rgas 'chi ba'i sdug bsngal 'dun pas brda sbyar/ byang phyogs su byon nyin/ sprul pa'i dge slong dang mjal/ bzhon pa las babs te phyag byas/ bdag kyang 'di ltar rab tu byung ngo gsungs/ pho brang du log rab tu byung lugs ji ltar legs