[A:254]rnams bsten cing / de rnams kyi dbang bskur byin gyis brlabs pas bka' bstan bcos lung man ngag du ma thob/ yi dam gyis zhal gzigs/ chos kyi mnga' bdag chen por gyur te/ mthar 'pho ba grongs 'jug ga gdams pa zhu ru byon dus/ bla ma na ro pa chen pos/ bu khyod la bod na gdul bya snod ldan yod cing / rigs rgyud nam mkha'i me tog ltar yal kyang / chos rgyud chu bo'i rgyun ltar ring / lo tsA ba 'di'i 'og rol tu/ mchog gi dngos grub thob par 'gyur zhing / khyod kyi slob rgyud bdun yan yan la/ bla mas byin gyis brlabs de'ang mchog gi dngos grub ster ces lung bstan/ rgyal tshab tu bskos nas bod du phebs/sgrub rgyud kyi bstan pa nam lang la nyi ma shar ba ltar du mdzad 'dug lho brag tu sku mkhar skya bo dgu theg brtsigs nas 'gro don bskyangs/ dgung lo brgyad cu rtsa brgyad pa la/ mkha' spyod du gshegs so/ /des sku sras bdun gyi che ba| dar ma mdo sde 'bum sku yon tan phun sum tshogs na'ang / bar chad byung nas gzhon nu la sku gshegs/ phug ron gyi ro la 'pho ba grongs 'jug mdzad/ rgya gar la 'phur nas dur khrod du bram ze gzhon nu la 'phos te/ de ti phu par gyur pa yin zer/ gcung dar ma bsam gtan la sogs drug byung / thugs kyi sras ni byang gi mar pa mgo legs pa dang / sgyer bu'i dge bshes klog skya jo sras la sogs pa dang / khyad par ka chen bzhir grags pa/ gzhung gi rngog ston chos rdor/ dol gyi tshul ston dbang nge / gtsang rong gi mes ston tshon po/ gung thang gi mi la ras pa rnams yin/ sngon ma gsum gyi ni bshad rgyud gtso che/ phyi ma gcig bu sgrub rgyud gtso che'o/ /gzhan yang gnyal gyi shud bu sgom dpal/ skyi ston skyar rgyal/ ba