[A:22]bsam pa kho na sems kyin bzhugs pas/ yab dang 'khor 'bangs thams cad kyis bslu brid dang / yengs thabs sna tshogs byed cing / mtshan mkhan na re/ da ste zhag bdun la rgyal bu rab tu ma byung na 'khor los sgyur ba'i rgyal por 'gyur ro zer bas/ yab dang khu bo mes po 'khor bcas thams cad kyis pho brang gi phyogs mtshams thams cad dpung dang bcas nas bsrungs/ btsun mo rnams kyis nang du glu gar dang bkur sti la sogs pas thugs yengs thabs byed do/ /de nas zhag bdun pa'i srod la/ rgyal po'i dgongs pa la/ bdag gi btsun mo drug khri blang pa la gcig dang yang ma 'grogs na/ zas gtsang gi sras kyis bud med bsten ma nus pas dbang med du rab tu byung ba yin no zer ba'i yal ga yong bsam/ de spangs pa'i phyir/ de nub btsun mo dam pa grags 'dzin ma dang lhan cig gzims so/ /sras sgra can 'dzin lhums su zhugs so/ /tho rangs kyi cha zin pa dang / brgya byin gyis skul nas/ rta ngang pa gser ldan la chibs yab rgyal po mnal du song ba la bskor ba byas/ phyi phyag btsal nas/ 'dun pas kyang rta gsham du bzhon pa dang / lha'i bu bzhis rta'i rmig pa re re nas btegs nas/ dka' thub kyi nags la gtad de/ nam mkha' la myur bar byon no/ /rgyal srid chos bzhin bskyangs pa'i mdzad pa ste lnga pa'o/ /drug pa ni/ der rgyal bu nam mkha' la byon pa la/ gzugs khams kyi lha man chad/ tshangs pa dang brgya byin la sogs pas bsus shing spro ba skyed pas/ nam thun gcig na dka' thub kyi nags mchod rten rnam dag drung du brtol nas/ rang nyid kyi dbu skra rang nyid kyi gzhar ste/ rab du byung /
'dun pa la rta dang rgyan