[A:261]byon/ sgom pa sor chud/ sgam po mthong ba'i la khar bla ma'i lung bstan bzhin/ chos nyid bden pa dngos su rtogs/ bla ma la sangs rgyas kyi 'du shes skyes/ 'o de gung rgyal gyi bu/ dwags la sgam pos sbyin bdag byas nas/ sgam po'i ri khrod btab ting nge 'dzin sna tshogs dang / mngon shes rdzu 'phrul du ma thob/ snang sems 'dres shing dbang du 'dus/ nyams rtogs mthar phyin/ dgung lo bdun cu rtsa bdun pa la/ mya ngan las 'das so/ /bla ma des don gnyis kyi gter kha phye bas/ 'gro don dpag med mdzad cing / bu chen gdugs thogs lnga brgya byung ba'i/ snga tshar la dwags po sgom pa dang / rgyal ba khyung tshang ba la sogs/ bar tshar la grub thob dbu se/ khams pa rdor rgyal/ zhang sum thog pa la sogs/ phyi tshar la byang gi 'bab rom pa chen po/ shangs pa rmog cog pa la sogs kyi thog drangs pa'i gnam gyi skar ma tsam byon/ bstan pa dar zhing rgyas par mdzad do/ /dwags po rin po che'i gcung po/ lha rje rdor 'bar gyi sras po dwags po sgom pa ni/thog ma'i mtshan la zla rgyal gling / dgung lo bcu gcig pa la bla ma'i drung du yong / chos ma lus par thob/ bcu gsum pa la spros bral gyi rtogs pa shar/ bcu drug pa la mkhan po mnga' ris pa sher snying la/ dge tshul zhus/ mtshan tshul khrims snying por btags/ bco brgyad pa la/ sgom ro gcig tu rtogs/ nyi shu rtsa lnga pa la/ sngags kyi mkhan po dang slob dpon/ shab rtse yon tan blo gros la sogs las/ bsnyen rdzogs mdzad/ sum cu rtsa lnga nas gdan sa bskyangs pa'i lo gnyis nas bla ma gshegs/ bkra shis sgo mang bzhengs nas/ dbus su byon/ lha sa'i jo bo rin po che'i thugs rje dang / srung mas bskul nas lha sa'i gso thabs mdzad/ rgya 'bri'i sde 'khrug bsdums/ zhang rin po che la gnas gzhi