[A:23]cha rnams bskur te/ ser skyar slog btang bas/ smre sngags 'don cing phyin pas zhag bdun la slebs tsam byung zhing / blon 'bangs rnams kyi rta la 'ju zhing ngus pas/ gser ldan de nyid du shi nas/ grong khyer sgra can du bram ze las drug la mkhas pa gcig tu skyes so/ /rgyal po rab tu byung ba'i dbu skra dang / ka shi ka'i na bza' rnams brgya byin gyis khyer nas/ sum cu rtsa gsum na rin po che las gru ba pa'i dbu skra'i mchod rten dang / na bza'i mchod rten bya ba bzhengs yod do/ /
grong khyer dpe med kyi khyim bdag gi bus bzhag pa'i na bza'/ ngur smig brgya byin gyi lag nas phul ba gsol te/ rang byung du bsnyen par rdzogs par gyur to/ /de nas yab dang rgyal po legs par rab gsal kyi rgyal bu gcig pur nags la 'dug ces pa thos nas/ 'khor lnga brgya btang bas/ lnga nyar gzhan rnams phyir slog btang ngo / /rab tu byung ba'i mdzad pa ste drug pa'o/ /bdun pa ni/ de nas 'khor lnga po yang khrid de chu bo na ra dzA ra'i 'gram du byon nas/ /lo drug tu dka' thub mdzad par zhing pa'i bu mo gnyis kyis 'o ma'i nying khu la/ lha'i bu gnyis kyi gzi brjid skyed pa'i sman btab nas drangs pa gsol bas/ sku lus gser btso ma'i mdog lta bur gyur nas/ de'i tshe 'khor lnga po yang ma dad par gyur nas/ rang re tsho wa ra Na sir 'gro zer song ngo / /dka' ba spyad pa'i mdzad pa ste bdun po'o/ /brgyad pa ni/ de nas byang sems kyis sangs rgya bar bzhed de/ 'od gsal gyi lha'i tshig bzhin rdo rje gdan la phyin pa'i lam du/ tshong dpon ga gon dang / bzang pos 'bras chan drangs pas/ gsol ba'i zhal phor la lha'i bu'i lhung bzed gsum phul ba gcig tu byin gyis brlabs nas gsol/ tshong dpon gyi lam gyi bar chad bsrung ba'i phyir lha'i bkra shis don grub bya ba gsungs/ de