[A:280]brag dgon pa ba chos rje sangs rgyas ston pa ni/ 'khrungs yul kha rag sil ma/ rus ya ngal dkar po/ rigs bon po yin na'ang / bon la thugs ma song / gzhon nu nas/ mi rtag pa kho na rgyud la skye ba byung zhing / dgung lo bcu pa la sprul sku'i dbang bskur lung bstan/ bcu gsum pa la bla ma tsA ri ras pa la rab tu byung / mtshan brtson 'grus seng ger btags/ slob dpon sdigs [sregs]dang / sum pa ras pa/ bla ma sa skya pa/ bla ma khro phu pa la sogs/ mkhas grub mang du bsten/ gdams pa dpag med zhus/ bcu dgu pa la/ slob dpon chos rgyal ba la bsnyen rdzogs zhus/ der rting slob dpon rngog ston gyi lung bstan pa bzhin yol bu ri gong du byon pas/ bla ma gnyan ston mnyes nas/ dbang bskur shangs pa'i chos skor thams cad/ chig rgyud kyi gdams pa dang bcas pa bum pa gang byo dbus snyung bzhes nas gnang / chos skyong lcam dral la mi lab pa bzhin du ngo sprad/ bka' bsgo mdzad/ de nas chos drug gi 'khrid bskyangs pas/ zhag nyi shu rtsa lnga la/ sprul sgyur sbyongs spel thub pa byung bas/ bla ma'i zhal nas/ sngar rgya gar gyi grub thob rnams las/ bla ma khyung po nyams rtogs bzang bar grags/ de las rim gyi bzang du song zer/ nga las ni khyed dge sbyor bzang bar 'dug pa/ 'di 'dra'i dge sbyor skye lugs da lta rgya bod gang na'ang med/ khyed kyi 'gro don rgya chen po 'grub pa 'dug gsungs shing / lung bstan zhal gdams mang po gnang ngo / /de ltar bsgoms pas bla ma yi dam mkha' 'gro mang po'i zhal mthong / chos gnang / brag dgon du lo gcig dbu sngas la ma bzhag par sgom pas zad par gyi ting nge 'dzin rnams rgya chen po dang /