[A:286]pa rgyal po'i khab kyi 'og /dpag tshad lnga brgyar grong khyer ser skya na/ /yi dwags gtso bo gshin rje chos rgyal yod/ /dud 'gro phal cher phyi yi rgya mtshor gnas/ kha 'thor ba rnams lha mi'i yul na'ang yod/ /mi rnams gling bzhi gling g.yog brgyad po dang / /gser gling la sogs gling phran gzhan na'ang gnas/ /lha min gnas pa ri rab mtshor bying ba'i/ khong seng la yod mthur la rim pa bzhin/ /gnas bzang chang gi ltung ba med pa tsam/ /ma rtogs lha dang lo ngo mnyam 'drar bshad/khams gsum sems can dbye ba 'di lta te/ /mnar med dmyal ba yi dwags dud 'gro dang / /mi dang lha min 'dod pa'i lha drug man/ /'khrig pa zas nor chags pas 'dod khams zer/ /lha drug 'og ma rgyal chen rigs bzhi'i 'khor/ /ri rab bang rim dang por gzhong thogs dang / /gnyis par 'phreng thogs gsum par stag nyos gnas/ /bzhi pa'i lha dang gnya' shing 'dzin ri yi/ /shar phyogs yul 'khor srung na yul 'khor srung/ /byang phyogs lcang lo can na rnam thos sras/ /nub phyogs sna tshogs gzugs na mig mi bzang / /lho phyogs 'phags skyes po na 'phags skyes rgyal/ /nyi zla skar ma lcags ri 'dzam gling gi/ ri dang ljon shing la gnas lha tshogs rnams/ /rgyal chen rigs bzhir cha stong sde tshan gcig/der rting ri rab zur bzhi'i lcog de la/ /'phang du dpag tshad phyed dang lnga de 'phags/ /chu zheng brgya dang nyi shu rtsa lnga re/ /mtha' skor dpag tshad lnga brgyas skor ba na/ /gnod sbyin gsang ba pa rnams gnas par bshad/ /de yi dbus na sum cu rtsa gsum ni/ /gser las grub pa'i grong khyer lta na sdug /dpag tshad phyed dang gnyis 'phags ngos re la/ /nyis stong lnga brgya mtha' ma khris 'khor