[A:287]ba'i/ /lcags ri dang bcas de dbus lha'i gnas/ /rnam rgyal khang bzangs gru bzhi gyen phyogs la/ /dpag tshad phyed dang lnga 'phags ngos re la/ /nyi brgya lnga bcu re yod de dag na/ /nor lha mched brgyad drag po bcu gcig dang / /nyi ma bcu gnyis mtha' skar bu gnyis te/ /dbang po nyer dbang sum cu rtsa gsum dag /yod phyir lha gnas sum cu rtsa gsum zer/ /brgya byin btsun mo'i sde sogs lha dbang ni/ /lha min bu mo rnams dang rnam par rol/ /de steng dpag tshad brgyad khri 'thab bral gnas/ /tshad ni ri rab ngos las nyis 'gyur che/ /de yan 'thab rtsod dang bral 'thab bral zhes/ /de nas dpag tshad drug khri 'phags pa na/ /dga' ldan lha gnas 'thab bral gnyis 'gyur che/ /byams mgon theg chen skyong bas dga' ldan zer/ /der steng dpag tshad gsum 'bum nyi khri na/ /'phrul dga'i lha gnas dga' ldan nyis 'gyur che/ /rang gi sprul nas spyod pas 'phrul dga' zer/ /der steng dpag tshad drug 'bum bzhi khri na/ /gzhan 'phrul dbang byed 'phrul dga'i nyis 'gyur che/ /gzhan gyi sprul pa'i longs spyod dpag med la/ /bde bar spyod pas gzhan 'phrul dbang byed zer/ /de man 'dod pa'i lha drug 'dod khams yin/ /der steng gzugs khams lha rigs bcu bdun ni/ /bsam gtan bzhis bsdus dang po tshangs ris dang / /'dun na 'don dang tshangs pa chen po'o/ /gnyis pa 'od chung tshad med 'od gsal lo/ /gsur pa dge chung tshad med dge rgyas so/ /bzhi pa dag la rnam pa brgyad du 'byed/ /sprin med bsod nams skyes dang 'bras bu che/ /de man so so skye bo'i gnas gzhan yin/ /mi che mi gdung gya nom snang ba dang / /shin tu mtho ba 'og min gnas dang lnga/ /