[A:288]'phags pa'i gnas yin gtsang rigs lha lnga zer/ /bar khyad rgya khyon gnyis 'gyur yar yar che/ /bcu bdun pa de 'dod lha 'dod chags bral/ /gzugs la chags pas gzugs khams pa zhes zer/ /de yi steng na gzugs med lha gnas bzhi/ /lus med ting 'dzin bye brag bzhi 'gyur te/ /nam mkha' mtha' yas skye mched rnam shes dang / /ci yang med dang 'du shes med min rnams/ /gzugs med 'dod pa'i 'dod chags bcas pa'i phyir/ /gzugs med khams kyi lha ni bzhi zer ro/ /e ma srid pa'i rtser phyin lha thob kyang / /sems kyi gnas lugs ma rtogs 'khrul ba spyod/ /zo chun 'khyud mo ji bzhin 'khor ba rnams/ /dal 'byor thob dus btsan sa 'dzin pa rigs/ /bskal ba dang lo zla zhag dus kyi thung mtha'i skad cig ma la thug te/ de'ang / phra ba'i skad gcig ma'i tshad ni/ gyad kyis se gol gtogs pa gcig gi yun nam/ bud med 'bring po'i bal 'dab 'then nas 'phang la/ dkris pa'i yun de brgya nyi shur bgos pa'i cha gcig yin par 'dod do/ /phra ba'i skad gcig ma de brgya nyi shu la rags pa'i skad gcig go /de drug cu la thang gcig go/ de sum cu la yud tsam gcig de sum cu la nyin zhag gcig de sum cu la zla ba gcig zla ba bcu gnyis la lo gcig lo de/ bcu/ brgya/ stong / khri/ 'bum/ sa ya/ bye ba/ dung phyur/ ther 'bum rnams bcu 'gyur yin/ der rting zla bo dang bcas pa'i grangs kyi rnam grangs ni dpag tu med de/ mthar thug brjod du med pa'o/ /bskal ba drug zhes pa ni/ bar gyi bskal ba dang / chags pa'i bskal ba dang / gnas pa'i bskal ba dang / 'jig pa'i bskal ba dang / stong pa'i bskal ba dang / bskal ba chen