[A:25]deng 'dir ston pas chos kyi char 'bebs kyis/ /gang dag nyan par 'dod rnams 'dir byon la/ /zab mo rgyal ba'i bka' la nyon cig ang / /zhes pa'i skad gsal bar byung zhing / thog mar wA ra Na sir 'khor lnga sde bzang po la sags theg dman gyi gang zag rnams la/
chu stod zla ba'i tshes bzhi nas/
bden pa bzhi'i chos kyi 'khor lo rim pa gsum du bskor ro/ /gsum ni dang po sgrub pa'i 'khor lo/ /bar du chad pas bcad pa'i 'khor lo/ tha ma rung mthun gyi 'khor lo'o
/ /'khor lnga sde po/ ye shes khong chud kyi bsnyen par rdzogs par gyur cing / kun shes kauNDi nyas dgra bcom pa'i 'bras bu thob/ gzhan bzhi po yang zag pa las sems grol lo/ /'khor lnga kun shes kauNDi nya/ rta thul/ ming chen/ glang po/ bzang ldan no
/ /pos chos gos ldum po gon ma shes pa 'od gsal gyi lhas brda bstan to/ /chos 'khor gnyis pa/ bya rgod phung po'i ri la/ rab 'byor dang / sha ri'i bu la sogs pa/ 'khor dgra bcom pa dang / byang sems mang po la/ theg pa thun mong ma yin pa'i mtshan nyid med pa'i chos kyi 'khor la bskor ro/ /chos 'khor gsum pa/ ri ma la ya dang / yangs pa can la sogs par/ don dam yang dag 'phags la sogs/ 'khor rnam bzhi'i byang sems bsam gyis mi khyab pa la/ theg pa thun mong dang thun mong ma yin pa/ don dam rnam par nges pa'i chos kyi 'khor lo bskor ro/ /de'i skabs shig tu/ yab rgyal po zas gtsang yang dge ba la bskul ba'i dus la babs par mkhyen nas/ tshe dang ldan pa 'char ka yab rgyal po'i drung dru btang / brda sbyar te/ shing nya gro ta'i kun dga' ra bar/ yab sras mjal nas/ 'dus pa'i 'khor rnams la chos bstan cing / yab kyi rgyang nas gus pa'i phyag 'tshal/