[A:41]chen po'i bka' bsdu ba ni/ rgyal po'i khab kyi lho phyogs/ bi ma la swa bha wa zhes bya ba'i ri la/ rgyal sras 'bum phrag bcu 'dus te/ 'jam dpal gyis mngon pa/ byams pas 'dul ba/ phyag rdor gyis mdo sde rnams bsdus zhes grags shing / gsang sngags kyi chos rnams ni/ ston pas lung bstan pa bzhin rgyal po dza'i khang steng du byin gyis brlabs pa las/ char ltar 'bebs par byed do/ /sde snod gsum po'i bka' bsdu tshar na'ang / thams cad po ti glegs bam la bkod pa'i skabs su/ lha ma srin sde brgyad pos gsungs rab kyi zhabs tog dang / bdag 'dzin la ma 'chams par thob khyer byas pas/ khri brgyad stong pa lhas thob/ shes rab khri pa lha mi gnyis/ nyi khri mis/ lang kar gshegs pa srin pos/ tog gzungs bdud kyi/ gzungs ma mos/ 'bum klus thob ste/ khyab 'jug skal ba chad pas/ khos 'thab rtsod byas nas gzhan thams cad mi yul du lus/ 'bum klu'i yul nas ma lon pa'i skabs su/ klu'i rgyal po shAkya bya ba nad tsi tsi dzwa las thebs pa sus kyang 'chos ma thub ste/ sman pa 'tsho byed gzhon nu'i bu/ slob dpon klu sgrub kyis bcos pa'i gtang rags la/ 'bum phul nas mi yul rgya gar lho phyogs su rim par dar te/ rgya mo tsha ba rong du slebs pa chos rgyal khri srong lde'u btsan gyi rlangs khams pa ga cha gdan 'dren du btang bas/ bsam yas su phebs nas/ bod khams spyi khyab tu dar zhing rgyas par gyur pas rgyas pa 'bum zhes grags so/ /'bum la sho lo ka 'bum yod pas 'bum zhes zer cing / le'u bdun cu rtsa gnyis bam po gsum brgya/ shad bzhi khri bzhi 'bum/ tsheg bye ba bzhi khri yod/ gzhan yang bka' thams cad la