[A:42]'di bzhin gyi rgyas btab yod cing / mdor na skabs chen brgyad/ skabs chung bdun cu tham pa ni/ rgyas pa 'bum nas bsdus pa yi ge gcig ma yan la tshang ngo / /'bum bod yul du sgyur ba po snga ma ni/ mkhas pa bai ro tsa na yin no/ /da lta sho lo ka 'bum ma tshang ba ni/ mtha' dum klu'i yul du lus par byed na'ang / chos nyid mi 'gyur ba'i le'us 'jug bsdus pas/ don la tshang bar ka cog zhang gsum la sogs la paN mkhas pa thams cad bzhed pa mthun no/ /yang 'bum sde lngar grags pa'i shes rab kyi pha rol tu phyin pa'i 'bum ni/ rgyas pa 'bum la zer te/ zab cing rgya che ba sho lo ka 'bum yod pas 'bum zhes bya'o/ /dkon brtsegs la smon lam 'bum yod pas 'bum zhes bya/ phal po che na sangs rgyas kyi mtshan 'bum yod pas 'bum zhes bya'o/ /mtshan dgu brgya ma tshang ba 'phags pa glang ru lung bstan na yod pas tshang ngo / /lang kar gshegs pa'i mdo na/ srin po 'dul ba'i rnam grangs 'bum yod pas 'bum zhes bya'o/ /mya ngan las 'das pa'i 'bum ni/ ston pa mya ngan las 'da' khar zhal chems gsungs pa 'bum yod pas 'bum zhes bya ba rnams so/ /gsungs rab yan lag bcu gnyis ni/ brgyad stong 'grel pa snying po don mchog las/ mdo sde dbyangs snyad lung du bstan/ /tshigs bcad mchod brjod gleng gzhi dang / /rtogs brjod de lta bu byung dang / /skyes rabs shin du rgyas pa dang / /rmad byung gtan la phab pa dang / /gsung rab yan lag bcu gnyis yin/ /bka' bsdu gsum pa dgos pa'i nyer len ni/ de'i dus na nyan thos