[A:43]dge 'dun gyi tshogs thams cad/ ston pa sangs rgyas kyi rjes su slob par 'dod pa mthun cing / lta ba ma log pa sha stag yin na'ang / gang zag dbang po rab 'bring mtha' gsum gyis/ ston pas gsungs pa'i drang don/ nges don/ ldem dgongs la sogs rnams la dgongs yul tha dad du bzung / de'i tshig gi phyogs la zhen nas/ so sor gyes pas sde pa bco brgyad du grags pa byung ba de dus dge 'dun la 'gyed pa'i phyir rtsod pa byung ba ste/ gzhi yod par smra ba tshang la sde pa re re bzhin/ nged kyi 'di bka' dngos can yin gyi gzhan ma rnams de ltar ma yin no zer ba sogs kyi rtsod pa byung ngo / /de la yang rtsa ba'i sde pa bzhi/ de las gyes pa'i bco brgyad yod de/ rtsa ba bzhi ni/ thams cad yod par smra ba/ phal chen pa/ mang pos bkur ba/ gnas brtan pa'i sde ba dang bzhi'o/ /thams cad yod smra ba la gyes pa bdun ni/ gzhi kun pa'i sde ba/ 'od srung pa'i/ sa ston pa'i/ chos srung pa'i/ gos dmar can/ rnam par phye te smra ba/ mang du thos pa la sbyangs pa'i sde pa rnams so/ /paNDi ta dha na shI las/ sde pa tha dad klog pa'i 'khor lo las/ gzhi kun pa dang 'od srung sde/ /sa ston sde dang chos srung sde/ /mang thos gos dmar slob ma'i sde/ /rnam par phye te smra ba'i sde/ /thams cad yod par smra ba yin zhis gsungs/ de dag gi skad ni/ saM skri ta'i chos ston no/ /rigs rgyal rigs/ sras sgra gcan 'dzin gyi slob rgyud/ bslab pa la gus pa'i mchog go /mkho ba'i yo byed bcu gsum ni/ snam sbyar/ bla gos/ mthang gos/ sham thabs/ sham thabs kyi gzan/ rngul gzan/ de'i yang