[A:44]gzan/ yang na/ khrus zo/ gdong phyis/ rnag gzan/ g.yan pa dgab pa/ skra bzed/ gding ba/ dbyar gyi gos ras chen dang bcu gsum mo/ /de la snam sbyar ni rab kyi rab la snam phran nyer lnga 'bring la nyer gsum/ /tha ma la nyer gcig glegs bu phyed lnga'o/ /'bring gi gsum po la snam phran bcu dgu/ bcu bdun/ bco lnga/ glegs bu phyed dang bzhi'o/ /tha ma'i gsum po la snam phran bcu gsum bcu gcig dgu pa'o/ /glegs bu phyed dang gsum pa'o/ /yod smra ba la rtags/ utpal la/ rin po che/ shing lo ris/ 'khor lo'am/ padma'o/ /phal chen sde pa la gyes pa lnga ni/ shar gyi ri la gnas pa/ nub kyi ri la/ gangs kyi ri la/ 'jig rten las 'das par smra ba/ rnam par brtags te smra ba'i sde pa rnams so/ /zhes gsungs so/ /shar nub ri dang gangs rir gnas/ /'jig rten 'das par smra ba dang / /rtag par smra ba'i sde pa ste/ lnga tshan dge 'dun phal chen pa zhes gsungs/ phal chen pa ni/ skad pra kr-i ta rang bzhin gyi skad/ rigs bram ze/ 'phags pa 'od srung gi slob rgyud/ sbyangs pa'i yon tan dang ldan pa'i mchog go/ snam sbyar 'dra/ rtags dpal be'am/ g.yung drung ris so/ /mang pos bkur ba la gyes pa gsum ni/ sa sgrog rigs kyi sde/ srung ba po'i sde/ gnas ma bu'i sde rnams so/ /sa sgrog rigs dang chen srung ba pa/ /gnas ma bu yi sde rnams ni/ /kun gyi bkur ba rnams pa gsum/ /zhes gsungs so/ /skad be sha tri tas ston/ zur chag gi skad/ rigs 'breg mkhan/ 'phags pa nye bar 'khor gyi slob rgyud/ 'dul ba 'dzin pa'i mchog go/ snam