[A:223]bstan pa rin po cher/ /lhag bsam rab dkar gdung rabs bzung ba las/ /da lta'i gdung brgyud sku mched rnam gnyis byon/ /de nas rgyal dang rgyal sras thugs rje dang / /gdul bya'i bsod nams dad gus 'dzoms pa las/ /deng nas bzung ste 'khor ba ji srid bar/ /'chi med 'khon rigs rje btsun sa skya pa'i/ /gdung rabs gangga'i rdul snyed byon gyur nas/ /sku tshe mdzad phrin bzhed dgongs mthar phyin pa'i/ /bstan 'gro'i dpal mgon rim par 'byon gyur cig//ces so/ /
mthu stobs dbang phyug grags pa rgyal mtshan dpal bzang po/
gnyis pa dee'i don rgyas par bshad pa la/ dpal sa skya pa chen po sgar chen mthu stobs dbang phyug bkra shis grags pa rgyal mtshan dpal bzang po'i rnam par thar pa ni gang gi dpal gyi mgul nas byon pa'i lam glu ngo mtshar phun tshogs ma las bsdus te kha skong cung zad dang bcas 'dri ba la/ de yang sngon byung skyes rabs kyi phreng ba che ba dang / sku tshe 'di nyid kyi rnam par thar pa mdor bsdus te bstan pa'o/ /