[A:224]
dang po ni/ 'jig rten na mchog gi sprul pa'i sku gcig gis mdzad pa bcu gnyis bstan pa'i tshe/ ston pa nyid 'khor dang sdud po'i tshul snang ba sogs lung khungs bcas rgya cher spro ru mchis kyang spros pa bskyungs te dgos don snying por dril ba/ nye sras byang chub sems dpa' kun tu bzang po nyan thos kyi tshul bzung ba 'phags pa kun dga' bo nas bzung ste sngags 'chang chen po'i bar ni de nyid kyi rnam thar du gsal zhing / rje 'di nyid kyi lam glu las kyang / tsha ba'i rong du bai ro tsa nar grags/ /rtsod pa'i dus su sngags 'chang dag dbang mtshan/ /zhes dang / gzims spyil dkar por grags pa rgyal mtshan skabs/ /phug chen bzhi sogs ri brag sgrub gnas bcas/ /zhes dang / yab chos kyi rgyal po sngags 'chang rje/ /bo dhi sa twa'i rnam 'phrul grags pa'i mtshan/ /mnal lam nyams snang dag tu 'di ltar gzigs/ /sngags 'chang chen pa'i sku gdung zhabs drung nas/ /'od zer kha dog lnga ldan phril le ba/ /'phros nas yum chen bsod nams rgyal mo yi/ /sku lus nyid la thim pa'i rtags mtshan gzigs/ /zhes gsungs pa ltar sngags 'chang chen po de nyid bstan 'gro spyi dang bye brag gi phan bde spel ba'i ched du slar yang rigs sras grags pa blo gros nyid kyi sras su bsam bzhin