[A:40]lugs kyi rim lnga'i khrid dang gzhung phran rnams kyi lung la sogs pa yun ring po'i bar du ma nyams par bzhugs pa ni rje btsun 'di'i bka' drin las byung ba yin no/ / de ltar bstan pa dang sems can gyi don mtha' yas pa mdzad nas dgung lo lnga bcu rtsa brgyad pa shing mo phag gi lo nag pa zla ba'i nyer dgu la zhing gzhan du gshegs so/ /
de'i gcung bdag chen 'jam dpal grags pa dpal bzang po ni bla ma dam pa rnams bsten cing rdo rje theg pa la mkhas par mdzad/ khyad par thugs dam la shin tu brtson pa zhig te/ rtse gdong gi gzim chung lcang lo can gyi mgon khang gi thog la dbu lo bcings te mtshan mo thugs dam la rtag 'grus mdzad pa'i lcags gzer deng sang gi bar du'ang bzhugs shing/ mdo khams kyi yul du 'gro ba'i don mdzad pa ste/ bdag chen a 'jam pa zhes grags so/ /
gcung sku gzhon pa bdag chen rin po che dbang nam mkha' 'dod grub sangs rgyas tshe brtan bkra shis rgyal mtshan dpal bzang po ni/ skyes thob kyi mkhyen rab phul du byung zhing bla ma dam pa gzhan du ma dang sa lo sku mched bsten te chos kyi sgo du ma gsan cing bsnyen sgrub mthar phyin nas nag po chen po la sogs