[A:41]pa'i zhal yang gzigs te 'gro phan du ma mdzad pa'i sngags 'chang mthu stobs kyi dbang phyug chen por gyur/ gdung brgyud gnyis 'khrungs rjes su rje btsun sangs rgyas rin chen dang sa lo sku mched sogs kyi drung du bsnyen par rdzogs pa'i sdom pa bzhes te/ dpal nA lendra'i gdan sa yang mdzad cing thub bstan rnam rgyal du yang phebs te gu drag gi dbang dang sgrub thabs brgya rtsa dang mgon po'i chos skor du ma gsungs so/ /
kun dga' bsam grub/
bdag chen de nyid dang yar 'brog pa'i khri lcam bu 'dren skyid la sras gnyis 'khrungs pa'i che ba bdag chen rin po che kun dga' bsam grub bkra shis grags pa rgyal mtshan dpal bzang po ste/ 'di ni shing mo phag gi lo la 'khrungs/ skyes thob kyi mkhyen rab che zhing sa lo tsA ba sku mched rnams dang/ rdo rje 'chang dkon mchog lhun grub 'jam dbyangs kun dga' legs grub/ lo chen ratna bha dra la sogs pa'i bla ma rnams bsten nas gsan sbyong mdzad/ dbu bla rnams la gus 'dud shin tu che zhing rang nyid kyis kyang bsnyen sgrub mthar phyin par mdzad/ rtse gdong du