[A:451]pa dpe can dang / tshangs pa'i ral pa nas chu bo ganggA khyab 'jug gi zhabs bsil du phabs pa rgya mtshor babs pa dper mdzad pa'i mtha' dag gzugs can dang /
gtan bde'i nor bu don gnyer mgron po rnams/ /brtse chen bla ma'i thugs bcud gru gzings la/ /brten nas thar pa'i rin chen gling khrid pa'i/ /ded dpon mchog de khyod min gzhan na ci/ /zhes thar pa don gnyer mchis na rje 'di la gsol ba btab phyin brtse chen snying po'i thugs bcud snyan brgyud la brten nas thar gling du khrid nus pa ni/ rin chen don du gnyer ba rnams nged dpon mkhas pa la brten na gru gzings su bcug nas rin chen gling du sleb pa'i dpes rgyan snga ma ltar dang /
yang srid nyer lnga 'jam pa'i rdo rje yis/ /rjes bzung lnga rig 'chad snyan sgra bo che/ /sa skya lo tsA'i bstan pa gangs can kun/ /yongs khyab spel bar bsam bzhin byon na snyam/ /zhes mi nas mir gyur yang srid nyer lngar 'jam mgon gyis rjes su bzung ba'i sa skya paN chen de nyid slar yang rang gi bstan pa spel ba'i ched du rje 'dir sprul nas phebs par yin nam snyam zhes rje 'di nyid mkhas pa'i tshul la bsngags pa rab rtog snyam sgra