[A:344]bcas 'di dang 'di lta bu yin no/ /zhes 'doms pa dang mnyam du bstsal bar mdzad pa'ang de skabs kyi skye bo kun la yongs su grags pa ltar dang / bstan 'dzin gyi slob bu ji ltar bskrun pa'i tshul yang / gong du gsung ngag slob bshad gnang skabs/ rgyal ba'i lung bstan ngor chen rdo rje 'chang gi zhal mngon sum du bstan te/ ka bzhi gdung brgyad lta bu'i bstan 'dzin gyi slob bu byung gsungs pa la/ rnam thar chen mo dang / nyi 'od kyi zhal slob mkhas grub snga phyi mang du byon pa rnams kyis ngos 'dzin gsal bar mdzad pa ma mthong mod/ 'on kyang de dus gsung ngag tshogs slob sogs rje rdo rje 'chang de nyid kyi bstan 'dzin gyi slob bu so sos dgon sde gang du dar rgyas spel tshul rnams la dpag pas rtogs nus pa bzhin cung zad bris na/ de yang gdan sa chen po 'di nyid du ni gang gi rigs sras 'jam mgon dbang gi mtshan 'chang sku mched kyis ni snyigs dus kyi skye bo dam tshig bsrung mi nus pa la dgongs pas/ bde kyai phur pa sogs yab chos 'ga' zhig las gsung ngag sogs kyi 'chad spel cher ma mdzad cing / des na yab sras rnam gsum spangs rtogs kyi yon tan khyad par cher ma mchis stabs zur du ma bgrang bar/ zhal slob ka ba dang po ni/ bdag nyiid chen po nyid kyi sku tsha rigs smug rje btsun 'chi med bstan pa'iii nyi mar grags pa nges pa lnga ldan gyi gtso mo dang dbyer ma mchis pa de nyid yin te/ rgyu mtshan de nyid las phyis sa skya pa pad ma bdud bdul dbang phyug sku mched