[A:345]kyiis gsan cing / yab rje pad 'dul las/ sde dge sa dbang bla ma sogs kyis gsan te deng sang gi bar la khyab gdal du 'phel 'dug pas so/ /bka' babs sam ka ba gnyis pa ni grub pa'i 'khor los bsgyur ba thar rtse mkhan chen nam mkha' 'chi med nyid yin par mngon te/ de nyid kyis sa chen rdo rje 'chang kun dga' blo gros las gsung ngag slob bshad/ gser chos skor sogs rgya cher gsan bsam mdzad de/ ngor e waM chos ldan du 'chad cing spel ba las thar rtse byams pa kun dga' bstan 'dzin/ byams pa kun dga' bstan pa'i rgyal mtshan/ dpon slob blo gter dbang po sogs mkhas grub rim par deng sang gi bar du rgya cher 'phel te/ slob dpon rin po che nas deng sang gi bar 'chad spel spar bkod sogs dar rgyas mdzad pa yongs grags ltar dang / gzhan yang sde dge sa skyong bla ma/ 'jam mgon mkhyen brtse sogs kyis gsan to/ /zhal slob ka ba gsum pa ni/ gang gi dbu bla gnas gsar mchog sprul nam mkha' legs pa nyid yin par mngon te/ 'di nyid la sa chen kun dga' blo gros la gang gi sku gong mas bcol ba gnang ba'i gsung ngag slob bshad gser chos mkha' spyod skor gsum/ dmar po skor gsum sogs zab chos phal cher gsan bsam bsgom gsum mthar phyin pa mdzad de/ gdan sa bkra shis chos sde dang / sde dge sogs su rgya cher spel gnang gi dngos slob kyi gtso bo/ sde dge sa dbang bla ma byams pa kun dga' sangs rgyas/ dpal ldan 'phrin las sogs dang /