[A:346]yang mkhas grub dge 'dun rgya mtsho kun dga' dpal ldan phan khang mkhan chen kun dga' bstan pa'i blo gros rdo rje/ gtso mo dhaki skal bzang chos kyi nyi ma las kho bo sa skya pa ngag dbang drag shul 'phrin las rin chen gyis nos pa dang / gzhan yang brgyud pa 'di nyid las mdo smad sde dge ngos su yang rgya cher 'phel tshul ni/ gnas gsar mchog sprul las/ sde dge grub dbang ngag dbang rin chen gyis gsan/ de las dpal ldan 'phrin las/ de las kun dga' dpal gyis gsan/ yang sa chen kun blos dngos slob sde dge grwa rgang bla ma kun dga' blo ldan/ de las ngag dbang rin chen/ de las sa dbang bla mas gsan kyang skabs 'dir gtso bor mi mdzad/ sde dge sa skyong bla ma nas ngor thar rtse khu dbon sogs la'ang gsan cing lhag par gnas gsar mchog sprul nam mkha' legs pa nyid rtsa ba'i bla ma'i mchog tu 'dzin par mdzad/ de nyid kyis mdzad pa'i snyan brgyud gser chos skor gsum gyi sbyang byang sogs su'ang / gnas gsar rdo rje 'chang gi byin rlabs snying la zhugs pa lha btsun anta nas so/ /zhes pa kho na byung bas so/ /zhal slob ka ba bzhi pa ni 'phan yul chos rje bco brgyad par grags pa/ rtse gdong sprul sku rig 'dzin phyogs las rnam rgyal lam/ dge 'dun bkra shis dpal 'byor du yang grags pa yin par mngon te 'di nyid kyis/ sa chen kun blo'i drung du gsung ngag slob bshad kyis mtshon zab chos rgya cher gsan sgom mthar phyin pa mdzad de/ 'phan yul nA lendra 'am dpal rgyun