[A:31]gi rigs sras dam pa sku mched zung khams gsum chos kyi rgyal por mnga' gsol ba'i legs tshogs kyis mtshon/ bdag gzhan gyi dus gsum du bsags pa'i dge rtsa rnams chab mi 'tshal ba'i phyir yongs bsngo'i rgyas btab rjes yab rje rdo rje 'chang sku mched kyi mdun du bzhengs nas/ rgyal srid sna bdun bkra shis rdzas brgyad sogs kyi mnga' 'bul smin rgyas dpon slob lhan rgyas nas gnang ba'i shis brjod ban tshang dbu byed che bas byang drangs/ tshogs pa byings bcas nas 'brug stong dus gcig tu ldir ba lta bu'i gsung gdangs kyis brgyan par mdzad/ 'jam mgon sku mched gang gi rgyal tshab tu mnga' gsol legs byas kyi rten 'brel dge bas mtshon/ 'dzam gling na 'gran zla dang bral bar mkhas grub gzur gnas du mas bsngags pa'i rje btsun sa skya pa'i gdung rabs rin po che srid mtha'i bar du byon nas gser khri rin po cher mnga' gsol gyi rten 'brel 'bad med lhun gyis grub pa'i dge mtshan srid na gsal ba ni/ nam mkha'i khams shin tu dwangs shing / nyi 'od gsal ba/ 'ja' dang 'od kyi gur khang 'khyil ba/ dkar phyogs lha rnams me tog gi char snyil zhing der 'dus kyi skye dgu mtha' dag dga' mgu yi rang gi dad pa'i thal sbyar dang chabs cig gnas tshul de ltar 'byung 'gyur gyi smon lam 'debs pa dang / skyabs mgon rdo rje 'chang yab sras rnam gsum gyi ngo mtshar mdzad pa'i gleng mo sgrog pa la gcig tu gzhol par gyur cing / de'i sang nyin gegs med don ldan gyi