[A:༣༠]གདམས་པའི་བསྟན་བཅོས་ཆེན་པོ། ཐུབ་པའི་དགོངས་པ་རབ་ཏུ་གསལ་བར་བྱེདཔའི་མཚན་དོན་ནས་བསམ་གཏན་གྱི་ཕར་ཕྱིན་ཡན་ལེགས་པར་བསྩལ། ཉིན་བར་མར་གོང་བཞིན་བཅའ་སྒྲིག་སྔོན་འགྲོའི་སྔར་གྱི་འཕྲོ་ནས་སྐུ་གསུམ་ཡེ་ཤེས་ཀྱི་རྣམ་བཞག་ཡན་ཆད། ཉིན་གསུམ་པར་སྐྱབས་མགོན་ཡབ་སྲས་གསུམ་ཆར་གོང་གི་དགེ་མཚན་དང་བཅས་ཕེབས་ཏེ། རྗེ་རྡོ་རྗེ་འཆང་ཉིད་ཀྱིས་སྔར་གྱི་འཕྲོས་ནས་མཇུག་གི་སྦྱར་བྱང་བར་ཚང་ལ་མ་ནོར་བ། ཀུན་གྱི་ཡིད་འཕྲོག་པ། གསུང་འཇམ་ཞིང་སྙན་ལ་དག་ཅིང་གསལ་བ་ཉེ་རིང་མེད་པ་ཚངས་པའི་དབྱངས་ལྟ་བུའི་སྒོ་ནས་དེར་འདུས་ཀུན་གྱི་རྣ་བའི་བདུད་རྩིར་སིམ་པ། བསྙེངས་པ་མི་མངའ་བའི་སྤོབས་པ་གཟེངས་མཐོ་བའི་ངང་ནས་བསྩལ་བས་ཀུན་ཀྱང་དགའ་བདེའི་དཔལ་ལ་ལྷག་པར་སྦྱར་རོ། །དེ་ལྟར་གྱི་སྐབས་རྟེན་འབྲེལ་ལེགས་སྐྱེས་ཕུན་སུམ་ཚོགས་པ་བསྟར་བ་ནི། རྒྱལ་བ་ཐམས་ཅད་མཁྱེན་གཟིགས་བདུན་པ་ཆེན་པོ་མཆོག་ནས་ཁྱད་དུ་མཚར་བའི་དགུ་ཚན་དགུ། ས་སྐྱོང་མི་དབང་ཡབ་སྲས་ནས་དེ་བཞིན་སོགས་མདོར་ན་གཞིས་བྱེས་དངོས་འབུལ་རྨུགས་འཛིན་དབང་པོའི་གན་མཛོད་ལ་ཅོ་འདྲི་བ་དང༌། དགེ་འདུན་འདུས་པ། སྐྱེ་བོའི་ཚོགས་དང་བཅས་པ་ལ་མང་ཇ་གདན་ནོན་སྦྱིན་འགྱེད་གྱ་ནོམ་པ་སྟོབ་པ་སོགས་དང༌། གདན་ས་ཆེན་པོའི་རྟེན་ཁྱད་མཚར་རྣམས་ལ་མཆོད་པ་སྙན་ཤལ་སྤྱན་གཟིགས། གཞན་ཡང་ཟུར་འབུལ་གྱི་རྣམ་བཞག་དགོས་པ་རྣམས་ཀྱང་དེ་བཞིན་བཅས་མཛད་ཅིང༌། རྒྱལ་དཔོན་ནས་མོལ་གཏམ་ཕུལ་གྲུབ་རྗེས་ཡབ་རྗེ་ཆོས་ཀྱི་རྒྱལ་པོས། གང་