[A:32]dga' ston chen mo'i thog rje rdo rje 'dzin nyid la yab sras zung gis mtshon gzhis byes ser skya drag zhan rnams nas legs so'i sgo brgya rnam par dbye ba'i skabs so/ /
de lta bu'i gser khri rin po cher mnga' gsol nas gangs ri'i ljongs 'dir bstan pa rin po cher gsol sman du gyur pa'i bya ba ji ltar mdzad pa'i tshul la/ thos rtsom gnyis rtogs sla ba'i phyir phyogs sdom du bshad pa dang / bsam bsgom 'chad rtsod kyis mtshon lugs brgya'i mdzad phrin kun gsal gyi gru ltar yangs shing rgya che ba'i nang nas cha shas tsam ston pa dang gnyis las/
dang po ni rnam thar bsdus pa las/ yongs 'dzin bcu phrag bzhi nyer gsan mthar phyin/ /bsam byung rig pa'i rang rtsal thol byung brdol/ /bsgom sgrub nyin zhag phrugs dgur nyer bdun tsam/ /bstan pa'i bya bar gzhol la gsol ba 'debs/ /ces gsungs pa ltar/ dbang lung man ngag sogs gsan pa rgya mtsho'i pha rol tu gyur pa'i tshul ni 'di lta ste/ rje rdo rje 'chang nyid kyi zhal sgo las byon pa'i gdung rabs gdan rabs kyi lo rgyus las/ yab rje rdo rje 'chang dang thar rtse rje/ /gnas gsar rje dang brag rtsa rje btsun drung / /gzhi dgon rab brtan bzang dang rta nag mkhan/ /tshul khrims bzang dang ngor chen bsod nams bzang / /sangs rgyas ye shes dpal ldan chos skyong zhabs/ /gong dkar bsod nams blo gros rnam mkhyen grong / /chos dbang rgya mtsho chu ri bkra shis don/ /kun dga'