[A:33]chos 'phel rin chen bzang po ste/ /gong dkar rnam lnga rin chen mi 'gyur zhabs/ /'gro mgon mthu dbang de sras rig 'dzin mtshan/ /mkhan chen dbang phun mkhan chen kun dga' zla/ /sengge rgyal mtshan sha ri mnga' bdag che/ /rgyal dbang skal bzang rje dang mchog sprul zhabs/ /dpal ldan no min han dang 'on rgyal sras/ /lo nas sems dpa' chen po smin grol gling / /khri chen rin chen rnam rgyal sras mchog bcas/ /'bri khung rje dang bsam sding yang zab rje/ /dngos grub sding dang kun dga' don gsal sogs/ /gus pas bsten nas ris med chos rgyun zhus/ /nyams len med kyang dbang lung man ngag khrid/ /gzhon dus brtson khul slob ma bstan 'phel dang / /btang snyoms dam nyams bsags pa grangs med yod/ /ces gsungs pa ltar yab rje rdo rje 'chang bsod nams rin chen bkra shis grags pa rgyal mtshan dpal bzang po'i zhal snga nas/ grub chen dzAe ta ri'i lugs sa skya pa'i yab chos tshe dpag lha dgu'i dbang dang/ sngags 'chang chen po yan chad snyan brgyud kho nar bzhugs pa la sngags 'chang nyid kyi grub rgyal gling pa pad rgyal gyi don du yi ger 'god gnang ba'i tshe sgrub kyi gdams pa'i sgom lung bcas gsan/ a mes zhabs kyis mdzad pa'i gdon sgrol gyi cho ga phun tshogs bsam 'phel phyag bzhes kyis brgyan pa'i lung / 'phags pa rin po ches mdzad pa'i ri khrod ma'i byabs khrus lung bcas/ nar paN yig steng nas jo lugs sme brtsegs ljang nag gi rjes gnang / ngag chos