[A:510]pa tsam gyis gzugs med rnams ni skad cig la byer zhing / gzugs can mi rnams kyang snying rtsa 'dar ba dang / phebs lam sogs la 'jig rten pa'i mthu bo cher 'bod pa rnams kyi rten khar sogs la spyan gru gsum de nyid bgrad pa tsam gyis rang zhig tu gyur te dar lcog lhung 'ong ba sogs nas de skabs kyi zhabs 'bring pa sogs kyi mthong chos yin 'dug pa deng skabs kyang gleng zhing / gzhan yang rtsa rlung la dbang thob rtags su/ dgun grang dus sogs su'ang ras rkyang kho na mdzad cing / rlung bzung ste phebs rjes zhabs 'bring pa sus kyang mi gnon pa sogs tshur mthong gi gdul bya rnams kyi snang tshul dang don la rtsa thig rlung gsum la dbang 'byor bas 'phags yul gyi grub chen rnams dang gnyis su ma mchis par mngon no/ /de las gzhan pa'i rdo la rkang lag gi rjes sogs 'jog pa rdzas ngan gyi cho 'phrul las kyang 'byung zhing / mngon shes sogs ni the brang grub pa kha cig la yang 'byung bas mtshar du rtsi ba ni rang gis rang bslu bar kho nar sems so/ /gzhan yang rnam thar zhal gsung ma gong 'phros las/ gzhan yang ngo mtshar rnam thar 'di 'dra yod/ /yon tan mi shes dpe cha'i dkyil du nyal/ /skad gdangs mi shes skad chen bong bu 'dra/ /rgyan bzo mi shes mar tshon thams cad phung / /gtor bzo mi shes rtsam pa yod tshad brlag /thig rtsa mi shes skud pa'i dkyil du sdod/ /ri mo mi shes rdul tshon ri ltar spungs/ /mdos dkri mi shes snal ma gzhug gu 'bud/ /rol mo mi shes rdzi ri rdzi tshad sdebs/ /rnga