[A:591]nges du ma byung ba sogs/ skyes bu dam pa rnams mi bzhugs pa'i snga ltas su de bzhin 'byung bar gsungs pa ltar/ zla ba dang po'i tshes bco lnga nyin dag zhing du phebs rgyu'i tho rangs bdag chen bkra shis rin chen nyid kyi dag snang du rje de nyid phod rdor sogs gzab mchor dang bcas da lam kun dga' rin chen gyi gsol 'debs 'di bzhin log 'dren cham 'bebs su rtsoms shig gsungs pa byung ba dang / dus mtshungs zhing brjes pa'i tshul bstan par rjes kyi dgongs rdzogs phun pho bla brang nas rgya cher sgrub par mdzad de/ nang rten du da lta lha chen khyams stod kyi byang ngos na bzhugs pa'i rgyal yum myur mdzad lha mo'i snang brnyan rin chen gnyis pa las grub pa gser zangs kyi pad gdan rgyan spros rin chen sna tshogs kyi phra rgyan can 'di bzhin gsar bzhengs kyis mchod rgyun bcas/ snga dus rta zla'i nang kyai rdor sgrub mchod nyin lnga zab tshugs dus chen nyin sna lnga'i mchod sprin brgya tshar mang ja bzhes thug tshar ra zhabs bskor skabs dgos pa'i bzang gos gzhi gcig gi mchod phreng bcu gcig mtshan pa bcas pa yum sras rnams nas sgrub par gnang ngo / /de rnams kyis yab rje ngag dbang kun dga' rin chen gyi rnam thar sgro skur dang bral ba mdo tsam smos zin to/ /
6 dngos grub dpal 'bar/
rgyal yum rang byon ma'i sras gsum pa ni/ rje btsun skal bzang tshul