[A:602]ge mang bas 'jigs pas brir ma lang ba dang / dbang chos gdams ngag 'chad spel rgya cher mdzad pa mngon te/ de'i sngon yab rje dbang gi mtshan can nyid zhing brje zin nas/ rje nyid dang rgyal yum dam tshig sgrol ma rje btsun bcas bkras brtsegs nub 'dir bzhugs tshod/ bkras brtsegs shar mchod khang du grags pa rje dam pa nyid kyi sku dus su dbang chos nyams khrid sogs gnang bar gsar 'debs mdzad pa bcas/ gsung ngag lam 'bras tshar bcu gsum tsam gsungs pa/ de lta bu re re gnang skabs sa dkar logs 'dir jo dar re re 'dzugs par mdzad pas jo dar gyi grangs kyang de mtshungs yod 'dug pa dang / gzhan yang gser chos bcu gsum/ 'jigs byed/ mgon po gur zhal gyi mtshon pa'i dbang rjes gnang / gdams khrid lungs sogs du ma rgyun ma chad pa gsungs pa yin te/ zhing brje skabs yab rje padma'i mtshan can gyis mdzad pa'i gsol 'debs las/ sa bstan snyan brgyud 'dzin pa'i skal dman rnams/ /rjes 'jug gtsug rgyan gtor ro bla ma rje/ /zhes sogs gsungs pa'i rgyu mtshan yang de ltar yin pa'i phyir ro/ /phyogs phebs sogs ni cher ma gnang yang / ngor e waM chos ldan dang / gong dkar rdo rje gdan sogs su re gnyis phebs skad kyi ngor du phebs skabs dngos slob skal bzang 'ga' zhig la 'bras sil zhal dkar gsol res gnang ba phal cher mu tig tu bsgyur ba dang / gong dkar du yun ring tsam bzhugs shing rab gnas rgyas par gnang skabs 'ja' 'od dang me tog sna