[A:603]lnga'i char babs tshul grub mtshan kyang mang du 'jog par mdzad tshul dang / rgyun par thugs dam nyams bzhes kyi gtso bo sa skya pa'i thugs dam chag med bzhir grags par/ bir srung lam zab/ lam dus bcas thun gnyis re dang de steng bde mchog dril bu lus dkyil lam nA ro mkha' spyod kyi nyams bzhes gang rung bsnan pas bzhir grags pa bzhin dang / de steng tshe sgrub rigs dang gsung gtor brgya rtsa'am dkar cha bzhi gang rigs/ srung 'khor brag rdzong ma/ dgongs phyogs phur chung gtor bsngo bskang ba rgyas bsdus gang rigs bcas chag med gnang zhing zla re bzhin gyi brgyad/ bcu bzhi/ nyer gsum/ nyer drug nas gnam gang bar bcas dus gtor rnams dang bcas zhing ma brjes bar du chag med gnang bar mdzad cing / bar skabs rnams su gdul bya rnams kyi skal ba dang bstun gong smos gsung chos rnams stsol bar mdzad cing / de lta ba'i bdag nyid chen po de nyid kyi gsungs las skyes pa'i slob tshogs kyang mang du bskrun par mdzad/ kun gyi mchog ni 'khon ston grub pa'i dbang phyug ngag dbang rdo rje rin chen/ ngag dbang kun dga' theg chen dbang sdud bkra shis rin chen zung dang / de skabs kyi yum dang / rje btsun rnams dang / ngor gyi mkhan zhal phal che ba dpal zhwa lu'i ri phug sprul sku mkhas grub 'gran bral rje nyid kyi rnam thar gsol 'debs mdzad po byams pa blo gsal bstan skyong sde dge'i sa dbang bla ma kun dga' sangs rgyas bstan pa'i rgyal mtshan sogs tha dad na bzhugs pa rnams