[A:604]dang / gdan sa 'di nyid kyi mdo sngags chos sde nyi zla zung 'brel gyi mkhan chen byams pa bkra shis chos 'phel de nyid kyis mtshon de skabs kyi lho byang bgres gras phal che ba rnams dang / gzhan yang chos 'khor lhun po rta nag thub bstan/ bzhad thub bstan/ e waM chos ldan/ gong dkar rdo rje gdan sogs sa dgon phal che ba'i mkhan po bla ma grwa dmangs bgres pa'i gras phal che bar yang dngos slob du gyur ba dang / dngos su rtsod par mdzad pa dus gnas dang bstun pas ma mdzad mod/ don du sgrub byed kyi dngos stobs kyi sgrub byed dang lung rigs shugs che ba bla lha'i byin rlabs thugs rgyud la bzhugs rtags rang byung du gnang bas so/ /rtsom par mdzad pa mang du mi gnang yang / gshed dmar lha lnga dang / 'jigs byed ro langs brgyad skor/ bde mchog dril bu lugs sogs kyi dkyil chog dang / dbang gi mtshams sbyor sogs chog sgrigs gnang ba 'ga' re dang / rje rang nyid kyi dbu bla rnams kyi gsol 'debs brtan bzhugs sogs dang / brgyud 'debs rnams kyi zhal skong sogs thor bu gnang ba rnams ni rgyas bshad sgro btags sogs ma yin pa'i sngon byon bla ma gong ma'i gsung dang mi 'gal zhing gsal byed du 'gro ba'i legs bshad kho nar snang ngo / /de rnams kyi bstan pa'i bya ba thos bsam sgom gsum dang mkhas pa'i bya ba 'chad rtsod rtsom gsum sogs sku tshe 'dir snang gi mdzad tshul sgro btags dang bral ba cung zad brjod zin nas/
snyigs lnga'i gdul bya rnams bsod nams dman pas zhing khams