[A:605]gzhan du 'gro don rgya che bar dgongs te/ dgung grangs bzhi bcu pa lcags mo glang lo 'go zla'i tshes gsum la rtag 'dzin can rnams chos la bskul ba dang le lo can rnams brtson 'grus bskyed pa'i phyir gzugs sku'i bkod pa longs sku'i thugs kar bsdus so/ /dgongs rdzogs zhabs rjes rnams bkras brtsegs bla brang nas rgyas par grub cing nang rten du da lta lha chen khyams stod kyi shar ngos rin chen gnyis pa las sgrub cing rin po che sna tshogs kyi phra rgyan can rdo rje 'chang gii snang brnyan ring bsrel spyi dang bye brag gi gzungs gzhug can de'i rab gnas rgyas pa yab rje padma'i mtshan can gyis mdzad skabs gong yab rje nyid kyi rtogs brjod skabs smros pa sngon du sku gzugs dang bsdur te shing tshad 'jog par mdzad pa mtho gang tsam gyi sku tshad 'phar ba byin rlabs kyi gzi 'od 'bar ba dka' spyad sogs mchod rdzas ji snyed dang rgyun mchod bcas dang / lo dus kyi mchod pa snga dus sa gzhung du sbyor 'jags kyi dges rdor sgrub mchod sgrub zhag lnga/ dus chen skabs kyi mchod rdzas 'phan gdugs rgyal mtshan phye phur sogs gsar bskrun gyi zhabs bskor bcas dang / zla dus bla mchod sogs dgongs rdzogs zab tu mdzad pa rnams kyis ngag dbang kun dga' rgyal mtshan rin chen tshul khrims dbang phyug gi rnam thar mdo tsam smros zin to/ /