[A:686]sing sgra dang bcas 'phangs par mdzad kyang / zhal dkar chag skyon lta ci 'bras kyang ma bor bar grags pa dang / bsam brling du yab rje mchog nas sgrol khang gsar bzhengs kyi rab gnas mdzad skabs khams mo zhig gis g.yu zhig phul ba ming la ci zer gsungs pas/ ye shes sgrol ma zer zhus te/ sku 'khor rnams la bdag rkyen sprod gsungs kyang khams mo dgon pa'i mar tsam nas rlung 'tshub tu yal bar/ yab rje mchog la zhus pas gcen gyis rab gnas mdzad pas ye shes phebs rtags yin gsungs/ gong gi snang brnyan gyi thugs kar bzhugs pas g.yu khar mo che'i sgrol ma'i lo rgyus dang mtshungs pa'i ngo mtshar gyi gnas mchis/ yang gzhung sa'i zhabs brtan sing dmag sogs kyis 'tshe ba zhi phyir las mgon pu tra'i gtor bzlog mdzad pas zor 'phen skabs rwa zor phyir log pa na ga nas byung cha med pa'i khyi nag snying dkar zhig glo bur du byung ste/ rwa zor khar khur nas dgra phyogs su rtse bstan te bzhag song ba de yod kun gyis mthong bar grags pa sogs grub mtshan bstan tshul rags pa dang / bsam brling smon bde ba'i dgag pa legs ldan la khyod kyi pha na ba drag gam gsungs pa la/ bdag kha sang nas 'gro rgyu ma byung lags zhus pas/ 'o na do nub nges par 'phrad par gyis gsungs/ de bzhin byas pas de'i nub mor 'das song ba kho na re/ skyabs mgon chen po'i thugs rje mngon mkhyen ma gtogs 'chi khar pha bu 'phrad pa med zhus tshod bcas de 'dra'i rigs mang