[A:703]dus su rmu rgod kyi sems can shin tu 'dul dka' ba rgyal ba gzhan gyis gzigs pa cung zad lhod par gyur pa na/ 'phags mchog phyag na pad dkar 'chang ba nyid snying stobs lhag par bskyed de/ phyogs bcu'i rgyal ba sras dang bcas pa'i drung du tsog pur 'dug nas/ phyag thal mo sbyar te dpa' bo snying stobs chen po dus gsum du/ /gshegs rnams rnam thar bdag nyid kho na'i bzlum/ /sras bcas rgyal bas yal bar dor ba yi/ /rmu rgod ma dul bdag gis 'dul bar shog /ces gsungs pa'i thugs bskyed dam bca' btsan pos nye bar drangs re/ bsam bzhin skye ba bzhes pa yin pa la sus kyang bsnyon du med de/ deng dus skye bo 'ga' zhig gis kyang gang zag che ge mo 'ga' zhig la rgyu mtshan gang yang med bzhin du sangs rgyas byang sems sam bla ma gong ma 'di dang/ 'di'i rnam 'phrul lo zhes u tshugs kyis long ba 'khar 'dzugs kyi rnam thar skyong ba rnams la ni snying po gang yang med cing rang gi de nyid bstan par zad do/ / de ltar lung bstan pa bzhin 'di bzhin lhums su zhugs te/ rab byung bcu bzhi pa'i nang tshan thung mong zhes pa lcags pho khyi lo'i gro bzhin zla ba'i tshes gsum gyi nam langs la sgrol ma phun tshogs dpal 'bar gyi bla brang du ngo mtshar ba'i ltas dang sku bltams 'phral yab rje rdo rje 'chang bkra shis rin chen dpal bzang po mchog nas yum sras zung la bkra shis pa'i lha gos dang / phyag g.yas sras kyi dbu gtsug tu bzhag nas a u bhruM zhes thugs smon dang