[A:704]bcas gsung zhing / de nas gsang rgya sogs yun ring mdzad nas gza' tshes dang bstun/ rje btsun sa skya pa'i yab chos grub pa'i slob dpon chen po dze ta ri'i lugs kyi rgyal ba tshe dpag med lha dgu'i dkyil 'khor du dbang bskur ba zab par mdzad/ de nas bkra shis rdzas brgyad rgyal srid sna bdun rnams gdung rgyud rin po che'i sku pang du 'grem par mdzad de bsngags gsol dang shis brjod rnams rgyas par mdzad pa dang / yab rje mchog nas brtan bzhugs gsar rtsom mdzad de/ de nyin gdung sras tshogs phebs rnams dang / ban tshang pa sde tshogs kyis 'khrungs bsangs rgyas pa'i sa dang / chos sde lho tshogs yongs nas mang ja'i thog bcas par bsgrigs 'don mdzad do/ /gdung sras 'khrungs pa'i dga' ston du 'go zla'i nang du dus mdos zab mo sogs sngon lam bzhin rgyas par mdzad/ de lta bu'i gzhon nu de nyid dbu gdugs ltar phub pa/ dpral ba dbyes che ba/ spyan zim bur gzigs pa la sogs pa mtshan dpe'i cha mthun gyis spras shing / byis skad sogs cher mi gsungs shing thugs rgyud shin tu dul ba bcas/ de skabs kyi zhabs 'bring pa rnams kyang bla ma 'dis bdag skyid du bcug ces bsngags brjod kyi me tog 'thor ba byung skad dang / de nas dgung grangs