[A:712]zas kyi rnal 'byor la rol skabs sngon lam bzhin 'jam mgon a mes zhabs kyi rdo rje phur pa'i rnam bshad sogs kyi steng nas dag gsal snyan gsum gyi sgo nas gsung bshad legs par phul grub te dga' ston gyi rim pa rnams zin to/ /bstan rim gur mgon khro bcu dang drug cu ma'i zor 'dzin mdzad rgyu'i brag rdzong ma'i dus grangs mtshan ma'i bsnyen pa mthar phyin pa sbyin sreg dang bcas pa zin nas/ gong de dag gi zor 'dzin mdzad de bsgral ba'i zhing bcu tshang ba rnams skad cig nyid la rdul phran bzhin du thal bar brlag ste/ rnam par shes pa rgyal ba mi bskyod pa'i thugs kyi dbyings su bstim par mdzad/ shing glang lo 'dir 'char 'phar gyi thugs brel ci rigs thog yab sras sku mched rnams rta nag sgrol phug sogs su phebs skor rnams yin 'dra ba dang / gdan sar phebs nas gsang sngags rnying ma'i bla ma zhig la dbang chos ci rigs gsan tshul sogs yang yab sras gnyis cha'i gsan tho ma 'khod pa gang yin cha ma 'tshal pa de 'dra snga phyir mang du yod 'dra/ lo 'di'i zla ba dgu pa tsam nas zhabs lhor rje nyid dpal chen badzra ki la yi bsnyen mtshams la bzhugs skabs dang / yab rje rdo rje 'chang nyid snyigs dus snang tshul la thugs skyo bas ca zing gi lung pa las ne gseng gis spras pa'i spang ljongs sogs bas mtha' zhig tu skye ba blangs pa drag sogs yang yang gsungs te/ sgo rum steng 'og sogs la bskang 'phrin dang chos srung rnams la gdan sa 'di nyid srung zhing gnyer gtad bka' bsgo mdzad