[A:713]thog nang gso gro nas zhabs lhor phebs par/ de skabs snyung gzhi gang yang med tshod 'dug kyang / rgyun gtan kyang gnang ba'i zhabs rim lta bu'i mkha' 'gro bsun bzlog zhig yod skad 'dug pa bud med rnams chas gos gyon te/ sku bcar sogs zhus zin nas thog khar phebs te/ de nyin gyi mkha' 'gro ma de rnams gang yin/ mi tsho mkha' 'gro'i gar 'cham zhes 'di 'dra rgyag pa red zhes sku 'cham yang mang gnang gi mthar zhabs lham 'ja' chen phud de dbyug gnang gis de yang mi dgos dgos cha bgyis sogs gsungs nas gzim chung du phebs te/ sku bcar gsol gzim sogs la'ang de nyin dal bor sdod slar mi shes gsungs pa sogs dang / de'i sang hor zla bcu pa'i nyer gcig la/ dbu cung zad snyung tshul gsungs te rdor sems bsgom bzlas sogs thugs dam la bzhugs mur/ 'di snang gi gsung 'phros gang yang ma gnang bar nyi zla'i rlung dhu tir sdud pa sogs mdzad nas/ 'da' kha ma'i rnal 'byor zab mos dgongs pa chos dbyings su gzigs par/ de 'phral rigs myug zhabs 'bring pa rnams ci bya bral ba'i mya ngan gyis non kyang / yab rje nyid bcad rgyar bzhugs par zhag shas zhu ma nus shing / de'i sang nyin tho rangs khar yab rje nyid thugs dam la bzhugs pa'i gzigs snang du/ gong gi yab rje rdo rje 'chang de nyid rus pa'i rgyan drug dang stag sham sogs he ru ka'i chas can/ phyag na rdo rje dang thod pa bsnams pa zhig dngos su mdun mkhar yun ring gzigs