[A:51b] bla ma mtshan gsang ba ste ma taM gi pa spyil po na bzhugs pa dang mjal te/ klu sgrub gang na yod dris pas/ slob dpon dri za'i yul du chos ston du byon gsungs/ khyod rjes su 'dzin par nga btang pa yin gsungs pa dang / der tai lo pas maNDal phul rjes su 'dzin par zhu zhes zhus pas/ dpal gsang pa 'dus pa'i dkyil 'khor du dbang bskur/ sems kyi de kho na nyid ngo sprad nas ma brjed par sgoms shig gsungs/ de nas da khyod shar phyogs bhaM ga la'i rgyud ha ri ka la zhes bya bar za hor gyi grong khyer yod pas/ de nyid sprul pa'i rgyal po ud ma skye zhes bya bas byin gyis brlabs pas bsgrub thag nye ba'i gnas yin pas der song la/ grong khyer de'i dbus na panytsa pa ta na zhes pa'i tshong 'dus yod/ de nas bha ri smad 'tshong ma 'khor mang po dang bcas pa yod pas/ de'i g.yog gyis la lam gyi rtogs pa sbyongs shig ring po mi thogs par phyag rgya chen po mchog gi dngos grub thob nas 'gro ba mang po'i don byed par 'gyur ro zhes lung bstan to/ /de nas tai lo pas de bzhin mdzad pas grub pa brnyes nas nam mkha' la rang dgar bzhugs pa la sogs pa'i rdzu 'phrul mang du bstan pas/ mi rnams ngo mtshar skyes/ bha ri mos g.yog tu bkol ba la 'gyod pa skyes te phyag phul rjes su gzung bar zhu zhus te/ mo'i rgyud byin gyis brlabs pas des kyang grub pa thob bo/ /tshul de rgyal pos thos nas ngo mtshar skyes te/ rgyal po 'khor bcas slob dpon gyi zhal blta bar 'ongs pa la/ slob dpon gyis nam mkhar bzhugs nas til mar gyi dpes mtshon pa'i /