[A:52b] pa gcig gis nya gson po spar mo gang khyer byung ste/ dge 'dun gyi 'bras kyi tsha ba g.yos pa'i me la blugs so/ /de la dge 'dun ma mnyes par ngan pa 'di la rgyob zer ba na/ rnal 'byor pa des khyed rnams mi dga' na/ song song gsungs nas se gol gtogs gtogs mdzad pas/ nya tsho mkha' la 'khyug 'khyug song ba dang / dge 'dun rnams kyis grub thob yin par shes nas bzod par gsol nas mchod gnas su bzhugs par zhus pas ma gnang ngo / /de phyir byon tsa na/ nA ro pa'i bsam pa la tai lo pa yin nam snyam nas phyag dang bskor ba byas/ zhabs spyi bor blangs te/ bdag la mkha' 'gro'i lung bstan pa lags pas rjes su gzung bar zhu zhus pas/ nA ro pa'i thugs kar rdog pa cig bzhag nas cang mi gsungs bar bzhud do/ /nA ro pas kyang phyi bzhin 'brangs pas/ lha khang thog bcu gsum yod pa gcig gi steng du byon nas/ 'jig rten gsum na bla ma'i bka' dang mi 'gal ba byed pa yod na/ 'di na mar mchongs nus pa su yod gsungs/ der nA ro pa'i thugs la mi gzhan ni mi 'dug nga la zer ba yin nam snyam nas/ lha khang kha nas mchongs pas/ rus pa chag nas gsus pa la zug ste na tsha tshugs pa med pa byung ba nas/ bla ma byon nas khyod na'am gsungs/ na lags ro bzhin thal lo zhus pas na ro zhes grags so zhes gser sdings pas mdzad pa'i gsang 'dus bla ma brgyud pa'i lo rgyus kyi yi ge las byung mod/ nA ro pa'i sgra don de ltar du 'chad pa ni nor ba ste/ bdag nyid chen po sa skya paNDi /