[A:53a] tas rab dbye las/ dka' ba spyad pas a na na/ /ro ru song zhes 'chad pa dang / /zhes gsungs pas so/ /des na nA ro zhes pa ni 'phags yul na bram ze'i rigs bcu drug yod pa'i nang nas rigs bzang shos nA ro ta pa zhes bya ba'i rigs yin pas na nA ro ta pa zhes bya ba yin par bshad pa ni 'thad ldan yin no/ /de nas bla mas phyag gis yul yul mdzad nas phu phaTa? sos par gyur cig gsungs pas sngar bzhin sos so/ /yang dus gcig gi tshe tai lo pas me tog cig bsdus nas nA ro pa la gtad de/ da lta 'di na mar la bag ma gcig 'ong bas/ me tog 'di mgo la thogs la nu ma mnyes shig gsungs shing / tai lo pa rang bzhud song ba dang / dum tsam nas bag ma de byung ba la nA ro pas tai lo pa ji skad gsungs pa bzhin byas pas/ gnya' 'o rnams kyi brdungs te shi la thug pa na/ tai lo pa byon nas sngar bzhin byin rlabs mdzad pas gsos/ yang lan gcig tai lo pa nags khrod cig na bzhugs pa'i tshe/ nA ro pas bsod snyoms la phyin pas dge 'dun la ston mo byed pa dang 'phrad de/ tsha ba bslangs pas ro mchog dang ldan pa zhig 'dug pas/ tai lo pa la drang dgos snyam ste khyer 'ongs nas zhus pas/ zhim zhim ltar legs par gsol te zhal nas nA ro pa tshod ma zhim gsungs/ nA ro pa'i thugs la sngar nas ci phul kyang dgyes pa'i bzhed med pa la/ da res dges par 'dug snyam nas slar slong du phyin pas/ ma byin pa dang / nA ro pas phru ba khyer te bros pas/ dge 'dun rnams kyis bdas pas zin /