[A:53b] nas brdungs pas shi la khad pa la sngar bzhin byin rlabs mdzad pas nad las grol lo/ /gzhan yang mkha' khung du smyug tshal brgyab pa dang / nam phyed zas slong gsungs nas bslang pas brdungs pa dang / lus kyis tai lo pa bzhud pa'i zam pa byas pas srin bus zos pa dang / tsandan gyi me la mchongs su bcug pa dang / thang chen po la ngal ma gsos par rbab khur gsungs pa la khur ba dang / rgyal po'i chung ma dang lhan cig sdod cig gsungs pa la brdungs pa dang / blon po'i chung ma dang lhan cig sdod cig gsungs pa la bsdad pas brdungs pa dang / nga'i rig ma dang lhan cig sdod cig gsungs pa la bsdad pas mes bsregs pa dang / khrag gi maNDal la sha'i tshom bu bkod de phul gsungs pa la de bzhin mdzad pa dang / nA ro pa'i phyag rgya ma la byas pas mtshan ma langs pa rdos brdungs pa la sogs pa mdor na nA ro pas tai lo pa lo bcu gnyis kyi bar du bsten dka' ba chen po bcu bzhi dang du blangs te ji skad gsungs pa bzhin bsgrubs so/ /de ltar gser sdings bas mdzad pa'i bla ma brgyud pa'i rnam thar las dka' spyad mang du mdzad pa'i dang po gsum la bum dbang sogs dbang dang po gsum thob tshul sbyar nas/ slar de ltar na nA ro pas lo bcu gnyis su zhabs tog byas pas chos ci yang ma zhus pas/ da zhu dgos snyam nas phyag dang bskor ba byas maNDal phul nas zhabs spyi bor blangs te yang dag pa'i gdams ngag zhus pas/ spyan phyogs bzhir gzigs te/ mchil lham phud nas gcu gcu ba cig dpral /